لە سەرەمەرگدا، چەندین نامەی هاوسۆزی و هاوخەمی لە هەوادارانی پێدەگات، لەناویاندا نامەیەکی لە هەوادارێکییەوە پێدەگات و زۆر کاری تێدەکات، تێیدا هەوادارەکە هاوسۆزی و هاوخەمی خۆی بۆ دەردەبڕێت و بۆی نووسیووە: “بۆچی خوای گەورە کەسێکی وەکو تۆی هەڵبژاردووە بەو نەخۆشییە ناشیرینە بمرێت؟!”.
ئەو پرسیارەی ناو نامەکەی هەوادارەکە لە ناخەوە دەیهەژێنێت و دەیوەستێنێت و، دەکەوێتە بیرکردنەوە و تێڕامانێکی قووڵەوە!.
“ئارسور ئاش” حەز دەکات وەڵامی نامەی ئەو هەوادارەی بداتەوە، بۆیە دەستدەداتە کاغەز و قەڵەم و بۆی دەنووسێت:
|| پەنجا ملیۆن منداڵ لە سەرتاسەری جیهان دەستدەکەن بە یاری تێنسی سەر زەوی.
|| پێنج ملیۆنیان یاری تێنسی سەر زەوی بە شێوەیەکی ڕاست و دروست فێر دەبن.
|| نیو ملیۆنیان یاری تێنسی سەر زەوی بە شێوەیەکی پیشەگەرانە فێر دەبن.
|| پەنجا هەزاریان لە یاریگاکانی تایبەت بە یاریزانە پیشەگەرەکانی تێنسی سەر زەوی یاری دەکەن.
|| پێنج هەزاریان دەتوانن لە پاڵەوانێتییە گەورەکان یاری تێنسی سەر زەوی بکەن.
|| پەنجایان دەتوانن بگەنە پاڵەوانێتی بەناوبانگی جیهانی تێنسی سەر زەوی “وێمبڵدون”.
|| چواریان دەتوانن بگەنە قۆناغی پێش کۆتایی پاڵەوانێتی بەناوبانگی جیهانی تێنسی سەر زەوی “وێمبڵدون”.
|| دووانیان دەتوانن بگەنە قۆناغی کۆتایی پاڵەوانێتی بەناوبانگی جیهانی تێنسی سەر زەوی “وێمبڵدون”.
لە کۆتایی نامەکەیدا، “ئارسور ئاش” بۆ هەوادارەکەی دەنووسێت: “کاتێك جامی نازناوی پاڵەوانێتی تێنسی سەر زەوی “وێمبڵدون”ـم بەرز کردەوە، بیرم لەوە نەکردەوە بڵێم: ئەی خودایە، بۆچی من؟!”.
ئێستاش کە من لە لووتکەی ئازار و نەخۆشیدام، پێویستە لەسەرم ئەو پرسیارە نەکەم: “ئەی خودایە، بۆچی من؟!”.
إرسال تعليق