یانەکەی هەرێمی کەتەلۆنیا بە سەرەتایەکی بەهێز و باش دەستیان پێکرد و دەستپێشخەریان کرد بۆ گۆڵ تۆمارکردن، کاتێك لە خولەکی 4ـدا تاکە گۆڵی خۆیان لەو ڕووبەڕووبوونەوەیەدا لە ڕێگەی یاریزان “نێیمار داسیلڤا”ـەوە تۆمارکرد، بەڵام یانەکەی پایتەخت خولەکی 4ـدا، لە ڕێگەی ئەستێرەی جیهان “کریستیانۆ ڕۆناڵدۆ”ـەوە، بە لێدانی پەنەڵتی، گۆڵی یەکسانکردنەوەی ئەنجامەکەیان تۆمار کرد، گێمی یەکەمی یارییەکەش بەو ئەنجامە 1-1 کۆتاییپێهات.
لە گێمی دووەمدا، مەدریدییەکان ئاستباڵایی خۆیان دەرخست و، لە خولەکی 50ـدا، بەرگریکاری ئاستبەرز “کلیبەر پیپێ” تۆپێکی لە لێدانی کۆڕنەرەوە وەرگرت و بە سەرێکی جوان خستیە تۆڕی گۆڵی کەتەلۆنییەکان، بەو گۆڵەش ڕێڕەوی یارییەکە بە تەواوەتی بۆ بەرژەوەندی کەتیبەکەی “کارلۆ ئەنشیلۆتی” گۆڕا، چونکە یاریزانەکانی باشتر و بەهێزتر بوون و توانیان لە خولەکی 61ـدا سێیەم گۆڵی خۆیان لە ڕێگەی یاریزان “کەریم بنزیمە”ـەوە تۆمار بکەن، بەوەش کەتیبەکەی “لویس ئینریکێ” تەواو ئاستیان دابەزی و بێهیوان بوون لە ڕاگەیشتنەوە بە ئەنجامەکە.
سەرەنجام یارییەکە بە بردنەوەی یانەی ڕیال مەدرید بە ئەنجامی 3-1 گۆڵ کۆتاییهات، ڕکابەری نێوانی ئەو دوو یانەیەش لە ڕیزبەندی خولی ئیسپانی گەرمتر بوویەوە، چونکە ئێستا یانەی شاهانە بە جیاوازی یەك خاڵ لە دوای یانەی بەرشەلۆنەوەیە.
إرسال تعليق