کردنەوەی سایتی “قەڵەم پرێس/ عەڕەبی” گرینگی تایبەتی خۆی هەیە لەسەر ئاستی نەتەوەیی و نیشتیمانیش، چونکە هەوڵدەدەین بەوپەڕی تواناوە کار لەسەر ناساندنی ناسنامەی موسڵمانانەی گەلی کورد بکەین، چونکە بە داخەوە بە درێژایی قۆناغ و وێستگەکانی مێژوو بەناوی ئایین و ئیسلامەوە ستەمی لێکراوە، بۆیە دەمانەوێت ئێمەش بەشداربین لە گەیاندنی هەقیقەتی مەزڵومییەتی کورد بە هەموو جیهان بە گشتی و جیهانی ئیسلام بە تایبەتی.
هەروەکو دەمانەوێت لەڕێی ڕووماڵکردنی چالاکییە ئایینیەکانی هەرێمی کوردستان بە زمانی عەڕەبی، دیدی موسڵمانانی عەڕەب لە دۆز و دینداریی گەلی کورد بۆ بۆچوونێکی تەندروستانە بگۆڕین کە لە واقیعی سەرزەمینەوە سەرچاوەی گرتبێت.
هیوادارین لە ئایندەیەکی نزیکدا، بە هیمەتبەرزی ستافی بەشی وەرزشی سایتی قەڵەم پرێس لە پێشەوەیان کاك دانا کارەکانی دروستکردنی سایتی “قەڵەم پرێس/ وەرزشی” تەواو ببن و هەوادارانی وەرزش لە کوردستان ئاشنای گرینگترین هەواڵ و بابەت و پێشهاتی تازەی وەرزشی ببن.
بۆ بینینی سایتی “قەڵەم پرێس/ عەڕەبی” کەوتەکار، کلیك لەسەر ئەو ناونیشانەی خوارەوە بکەن:
إرسال تعليق