یارییەکە، کە لەسەر یاریگای یانەی (بیتار) ەوە بەڕێوە دەچوو، ژمارەیەکی زۆر لە هەندەرانی یانەکە ئامادەیبوون، بەڵام کاتێك (زاور ساداییڤ) گۆڵی پێشکەوتنی یانەکەیانی تۆمارکرد، هاندەران دڵتەنگ بوون و یاریگایان بەجێهێشت، ئیدی زۆری نەبرد تیپی ڕکابەرگۆڵی یەکسانکردنەوەی ئەنجامەکەیان تۆمارکرد.
شایەنی باسە، هاندەرانی یانەی (بیتار) کە بە نەژادپەرستی بەناوبانگن، ڕەخنەیان لە دەستەی کاڕگێڕی یانەکەیان گرت و هەڵسان بە بەرزکردنەوەی دروشم و لافیتە، کە داواکاربوون بۆ پارێزگاریکردن لە ناسنامەی سەهیۆنیانەی یانەکەیان، ئەمەش پاش ئەوەی یانەی (بیتار) هەردوو یاریزانی موسڵمانی ڕوسی (زاور ساداییڤ) و (زابریال کادییڤ) ی هێنایە ڕیزەکانییەوە.
پێشتریش هاندەرانی ئەو یانەیە سەرئێشە و گیروگرفتیان بۆ یانەکەیان دروستکردبوو، پاش ئەوەی هەڵسابوون بە بەرزکردنەوەی دروشمی دوژمنکارانە بەرامبەر بە موسڵمانان.
بۆ بینینی ڤیدیۆی گۆڵەکە و کاردانەوەی جەماوەر و هاندەرانی یانە جووەکە، کلیك لەسەر ئەو ناونیشانەی خوارەوە بکەن:
إرسال تعليق