بەڕێزان، یەکێك لە نیشانە هەرە دیارەکانی گەورەیی و قودڕەتی ڕەهای خودای پەروەردگار، بەڕێوەبردنی گەردوون و زەوی و ئاسمانەکانە بەوپەڕی تەواوێتی بە شێوەیەکی بەردەوام و بەبێ پچڕان، بە تەرزێك کە هیچ جۆرە ناڕێکییەكیشی تێدا ڕوونادات، کە ئەوەیان بەسە بۆ سەلماندنی ئەوەی، کە پەروەردگارمان، لە هەموو شتێكدا کە ئێمە دەیانبینین، دەیان بەڵگەی بەهێزی خودایەتی خۆی لەسەردا نەخشاندووە.
یەکێك لەو نیشانە بەهێزانە، شەو و ڕۆژە، کە بە پێی سیستەمێکی ورد بەدوای یەکتردا دێن، تەنانەت لە هەندێك شوێندا کاتەکە شەوە، لە هەمان کاتدا لە شوێنێکی تر ڕۆژە، کە ئەمەیان دیاردەیەکی گەلێك سەرسوڕهێنەرە و خودای پەروەردگار لە قوڕئانی پیرۆزدا لە ئایەتەکانی (٣٧-٤٠) لە سوڕەتی (یس) باسیکردووە و دەفەرمووێت:
((وَآيَةٌ لَهُمُ اللَّيْلُ نَسْلَخُ مِنْهُ النَّهَارَ فَإِذَا هُمْ مُظْلِمُونَ * وَالشَّمْسُ تَجْرِي لِمُسْتَقَرٍّ لَهَا ذَلِكَ تَقْدِيرُ الْعَزِيزِ الْعَلِيمِ * وَالْقَمَرَ قَدَّرْنَاهُ مَنَازِلَ حَتَّى عَادَ كَالْعُرْجُونِ الْقَدِيمِ * لَا الشَّمْسُ يَنْبَغِي لَهَا أَنْ تُدْرِكَ الْقَمَرَ وَلَا اللَّيْلُ سَابِقُ النَّهَارِ وَكُلٌّ فِي فَلَكٍ يَسْبَحُونَ))..
واتە: هه‌روه‌ها به‌لگه‌و نیشانه‌یه‌كی ئاشكرای تر بۆیان، شه‌وه، كه پۆشاكی رووناكی رۆژی له‌به‌ر داده‌ماڵین، به‌و هۆیه‌وه دنیایان لێ تاریك ده‌بێت، خۆریش له گه‌ردش و سوڕانه‌وه‌ی خۆیدا به‌رده‌وامه و به‌ره‌و سره‌وت ده‌چێت، یاخود به ده‌وری چه‌قی خۆیدا ده‌سوڕێته‌وه، بێگومان ئه‌وه توانای زاتێكی باڵاده‌ست و زانا ده‌رده‌خات (كه هه‌موو شتێكی به رێكوپێكی دروست كردووه)، هه‌روه‌ها كات و شوێنی هه‌ڵهاتنی مانگیشمان دیاری كردووه (هه‌ر شه‌وێك له‌كاتێكی دیاریكراو و شوێنێكی دیاریكراودا هه‌ڵدێت، ڕاده‌ی ئه‌و ڕووناكییه‌ش كه ده‌كه‌وێته سه‌ری جیاوازه، هه‌تا (سه‌رئه‌نجام هه‌موو مانگێك له رواڵه‌تدا) وه‌ك چیلكه‌یه‌كی وشكی باریك ده‌نوێنێت، نه خۆر بۆی هه‌یه به مانگ بگات (له هێڵ و رێڕه‌وی خۆی ده‌ربچێت)، نه شه‌ویش پێش رۆژ ده‌كه‌وێت، به‌ڵكو هه‌ریه‌كه‌یان له خولگه‌ی تایبه‌تی خۆیاندا مه‌له ده‌كه‌ن و به ئاسانی ده‌سوڕێنه‌وه.
إرسال تعليق