لە سەرەتای سیمینارەکەدا، کە ژمارەیەکی زۆر لە زانایانی هەولێر و ڕواندوز و سۆران وباڵەکایەتی تێیدا بەشداربوون، بەڕێز (مامۆستا مەلا عەبدوڵا مەلا سەعید) وتەی بەخێرهێنانی پێشکەشکرد و وەفدی میوانی بە ئامادەبووان ناساند، پاشان هەریەك لە (محەمەد ئەلفوزەیل ئەلقوسی ئەندامی دەستەی گەورە زانایان‌و وەزیری پێشووتری میسر) و (دكتۆر عەبدولمەقسود پاشا پرۆفیسۆری مێژوو لە زانكۆی ئەزهەر) لە دوو موحازەرەی جیاوازدا تیشکیان خستە سەر مێژووی ئەزهەری شەریف و ڕۆڵی زانایانی کورد و پەیوەندی لەمێژینەی زانایانی کورد و ئەزهەری شەریف و چەند پرسێکی تری پەیوەندیدار.
دواتر بە چەندین موداخەلەی بەشداربووان، هەردوو موحازەرەکە دەوڵەمەندکران، هەروەکو زانایان ئەو هەنگاوەیان لە دیدار لەگەڵ کەسایەتی و زانایانی جیهانی ئیسلامی بە پێشکەوتن لە پەیوەندی زانایانی کوردستان بە دەرەوە وەسفکرد، هاوکات هەنگاوی لەو چەشنە دەبێتە کرانەوەیەکی گرینگ لە هەڵوێستی زانایانی جیهانی ئیسلامی بە گشتی و جیهانی عەڕەبی بە تایبەتی لە هەمبەر زانایانی کورد و هەقیقەتی پەیوەستبوونی گەلی کورد بە ئایینی پیرۆزی ئیسلام.
شایەنی باسە وەفدەکەی ئەزهەر لەسەر داوای یەکێتی زانایانی ئایینی ئیسلامی کوردستان ڕۆژی چوارشەمە (27/3/2013) گەیشتنە شاری هەولێر و، بڕیار وایە لە ڕۆژانی داهاتووشدا سەردان و کۆبوونەوە و سیمیناری زیاتریان بۆ ڕێکبخرێت لە ناوچەکانی تری هەرێمی کوردستان.
إرسال تعليق