لەو بابەتەدا، چەند پرسیارێك و وەڵامەکانیان دەخەینەڕوو، بۆ ئەوەی لە هەقیقەتگەلێك تێبگەین، کە بەداخەوە لێیان تێنەگەیشتووین و خەریکە لە بری شوکرانە، کوفرانەی فەزڵ و نیعمەتەکانی خودای گەورە دەکەین، هاوکات هەست بە حەسانەوە و ئاسوودەییش دەکەین.
- ئایا خانووێکت هەیە لەخۆتبگرێت.. ئایا شوێنێکت هەیە تێیدا بخەویت.. ئایا خواردنێکت هەیە بیخۆیت..؟
- ئایا هەندێك پارە لە باخەڵتدا هەیە، کە لە کاتی تەنگانەدا بە کەڵکت بێت..؟
- ئایا هەست بە تەندروستی و لەشساخی دەکەیت..؟
- ئایا لەناو جەنگدا ژیاویت.. ئایا چێژی زیندانیکردنت بینیووە.. ئایا لە ژێر ئەشکەنجەدا بوویت..؟
- ئایا دەتوانیت نوێژ بکەیت بەبێ هەستکردن بە دەستگیرکردن و زیندانیکردن و ئەشکەنجەدان..؟
- ئایا دایك و باوکت لە ژیاندا ماون.. ئایا دایك و باوکت بەیەکەوە دەژین بەبێ ئەوەی لە یەکتر جیابووبنەوە..؟
- ئایا دەتوانیت ئێستا پێبکەنیت و بڵێیت (الحمدلله)..؟
ئەگەر بە (بەڵێ) وەڵامی پرسیاری دووەمت دایەوە، ئەوە تۆ یەکێکی لەو کەسانەی کە (٨%) ی دەوڵەمەندەکانی جیهان پێکدێنن.
ئەگەر بە (بەڵێ) وەڵامی پرسیاری سێیەمت دایەوە، ئەوە تۆباشتری لە ملیۆن کەس لە جیهان کە بەهۆی نەخۆشییەوە لە هەفتەیەك زیاتر ناتوانن بژین.
ئەگەر بە (نەخێر) وەڵامی پرسیاری چوارەمت دایەوە، ئەوە تۆ باشترى لە (٥٠٠) ملیۆن مرۆڤی سەر ڕووی زەوی.
ئەگەر بە (بەڵێ) وەڵامی پرسیاری پێنجەمت دایەوە، ئەوە تۆ لەناو نیعەمتێکدا دەژیت، کە سێ ملیار مرۆڤ نایناسن.
ئەگەر بە (بەڵێ) وەڵامی پرسیاری شەشەمت دایەوە، ئەوە تۆ دەگمەنی لە بووندا.
ئەگەر بە (بەڵێ) وەڵامی پرسیاری حەوتەمت دایەوە، ئەوە تۆ لەناو نیعمەتێکدا دەژیت، کە زۆر کەس دەتوانێت بیانکات بەڵام نایکەن.
ئەگەر ئەو پرسیارانەت خوێندنەوە، ئەوە تۆ باشتری لە دوو ملیار مرۆڤ کە توانای خوێندنەوەیان نییە.
إرسال تعليق