پێچەوانەکەشی ئەوەیە، کە هەر کارێکی خراپ کە ئەنجامی بدەین (خوای گەورە بمانپارێزێت)، خێراترین کارتێکردنی لەسەر خراپەکارەکە ئەوەیە، کە پێی پەست و دڵتەنگ و خەمناک دەبێت و هەست بە خاوبوونەوەی ڕۆحی و نادامەزراویی دەکات لە ناخەوە، ئەوە بێجگە لەوەی کاریگەری خراپتر و دوورمەوداتری بەدوادادێت لە هەردوو دونیادا.
لەوبارەیەوە، پێشەوا و زانای گەورەی ئیسلام "ئیبن عەباس" خوا لێی ڕازی بێ لە وتەیەکی پڕشنگداریدا دەفەرمووێت: "چاکە چەند کاریگەرییەکی بەسەر چاکەکارەوە هەیە، لەوانە: تروسکاییە لە ڕووخساریدا، چرایە لەناو دڵیدا، بەهێزییە لەناو جەستەیدا، فراوانییە لە ڕۆزی و ڕزقیدا، خۆشەویستییە بۆی لەناو دڵی خەڵکدا".
هەروەها ئەو پێشەوا ناودارەی ئیسلام لە وەسفکردنی خراپەشدا دەفەرمووێت: "خراپە چەند کاریگەرییەکی بەسەر خراپەکارەوە هەیە، لەوانە: تارماییە لە ڕووخساریدا، تاریکاییە لەناو دڵیدا، بێهێزییە لەناو جەستەیدا، کەمبوونەوەیە لە ڕۆزی و ڕزقیدا، ڕق و قینەیە بۆی لەناو دڵی خەڵکدا".
إرسال تعليق