یارییەكە كە دوێنێ شەو لەسەر یاریگای "ئۆلمپیكۆ" لە ڕۆمای پایتەخت بەڕێوەچوو، لە دەستپێكدا یاریزانانی لازیۆ كۆنتڕۆڵی یارییەكەیان كرد و لە خولەكی چواردا دەستپێشخەریان كرد لە تۆمار كردنی گۆڵی یەكەم لەلایەن یاریزان "ستیڤان رادۆ"، بەڵام لە خولەكی یازەدەدا بەرگریكاری خانمەپیرەكە "جۆرجیۆ كیلینی" بە گوڵێکی هاوشێوە ئەنجامەكەی یەكسانكردەوە، گێمی یەكەم و دووەمی یارییەکەش بەو ئەنجامە كۆتاییهات.
بەڵام لە خولەكی ٩٧ لە گێمی یەكەمی زیادكراودا، هێڕشبەری یانەی یۆڤانتۆس "ئەلیساندرۆ ماتری" یانەكەی بە گۆڵێكی دیكە پێشخست و سەركەوتنی بە هاوڕێكانی بەخشی، یارییەگەش بە ئەنجامی (٢-١) بە بردنەوەی خانمەپیرەكە تەواو بوو.
ئەو نازناوە بۆ یانەی یۆڤانتۆس زۆر گرنگ بوو، بە تایبەت دوای ٢٠ ساڵ لە چاوەڕوانی، هەروەها پاش بردنەوەی نازناوی خولی پلە یەكی ئیتاڵیا "كاڵچیۆ" و ئامانجی بەهێزی بەدەستهێنانی نازناوی چامپیۆنزلیگ لە یاری بەرامبەر یانەی بەرشەلۆنە لە شەشی مانگی داهاتوو لە بەرلینی پایتەختی ئەڵمانیا.
إرسال تعليق