بەداخەوە کە ئەو حاڵەتە لە ئێستادا زۆر بە زۆری ڕوودەدات و، موسڵمانان لە ژیانی ڕۆژانەیاندا ڕووبەڕووی دەبنەوە، بەڵام بە دەگمەن وا دەبێت بەسەر ئەو گومانەیان زاڵ ببن و خۆیان لە دەرەنجامی نەخوازراو بپارێزن!، بەڵکو نەوەکو هەر نایانەوێ گومانەکانیان بڕەوێننەوە، دەبینین لەولاوە دێن بە دوای بیانوو و پاساو دەگەڕێن بۆ ئەوەی بەرگی دڵنیایی و شەرعییەت بە بەر گومانەکەدا بکەن!.
لەوبارەیەوە پێشەوا "وەهبی کوڕی مونەبیهـ" لە یەکێک لە وتە هەرە جوانەکانیدا ڕوونکردنەوەیەکی نایابمان پێدەدات و دەڵێت: ئەگەر لە نێوان دوو شتدا تووشی گومان بوویت و نەتزانی کامەیان باشترە، تەماشا بکە کامەیان دوورترە لە ئارەزوو و مەبەستی تۆ، ئەویان هەڵبژێرە، چونکە بێگومان ئەوەیان بەرچاوت ڕووناک دەکاتەوە و دوورت دەخاتەوە لەوەی خراپترینەکەیان هەڵبژێریت، بەوەش خۆت لە بژاردە خراپەکە بە دوور دەگری و، بژاردە دروست و ڕاستەکەت پێکا.
هەر پەیوەند بەو ڕوونکردنەوەیە، "سەهلی کوڕی عەبدوڵای ئەلتەستەریی" لە وتەیەکی پڕشنگداریدا دەڵێت: "ئارەزووەکەت دەردەکەتە، ئەگەر پێچەوانەی ئەو مامەڵەت کرد، ئەوە دەرمانەکەتە".
إرسال تعليق