یارییەكه له‌سەر یاریگای "ئۆڵۆمپی" له‌شاری "به‌رلین"ـی پایتەختی ئەڵمانیا به‌ڕێوه‌چوو، تێیدا هه‌ردوو یانه ئەڵمانییەکە بۆ بردنەوەی نازناوەکە و بەدەستهێنانی جامێک لەو وەرزەدا ڕووبەڕووی یەکتر بوونەوە.
له گێمی یه‌كه‌مدا، یاریزانانی دۆرتمۆند ده‌ستپێشخه‌ریان كرد و له‌خوله‌كی 5ـدا گۆڵێكیان له‌ڕێگه‌ی "ئۆبامیانگ"ـه‌وه تۆماركرد، به‌ڵام دواتر یانەی فوڵفسبۆرگ كۆنتڕۆڵی یارییه‌كه‌ی كرد و سێ گۆڵی له‌سه‌ریه‌كی له‌خوله‌كه‌كانی 22 و 33 و 38ـدا له ڕێگەی یاریزانان "لویس گۆستاڤۆ" و "كیڤن دی برین" و "باس دۆست"ـه‌وه تۆماركرد و به‌و ئەنجامەش كۆتاییان بەو گێمە هێنا.
له گێمی دووه‌مدا، هه‌ردوو یانه شکستیانهێنا لە تۆماركردنی گۆڵ، به‌وه‌ش یانەی فوڵفسبۆرگ به‌سێ گۆڵ به‌رامبه‌ر به گۆڵێك یارییه‌كه‌ی برده‌وه و جامەکەی بەرز کردەوە.
بەو دەستکەوتەش، یانه‌ی فوڵفسبۆرگ بۆ یه‌كه‌مجار له‌مێژووی خۆیدا نازناوه‌كه‌ی به‌ده‌ستهێنا، "یۆرگن كلۆب"ـی راهێنه‌ری دۆرتمۆندیش به يادەوەرییەکی ناخۆش و بە شێوەیەکی فه‌رمی ماڵئاوایی له‌یانه‌كه‌ی و هانده‌رانی كرد.
جێگەی ئاماژە بۆ کردنە، لە وەرزی (2008/2009) یانەی فۆلفسبۆرگ توانی بۆ یەکەمجار لە مێژووی خۆیدا نازناوی خولی ئەڵمانی "بۆندسلیگا" بەدەستبهێنێت.
إرسال تعليق