پێدەچێت زۆربەتان نەزانن کە توێکڵی هێلکە ڕێژەی ٩٠%ـی کالیسیۆمی پاک لەخۆدەگرێت، نزیک لە هەمان ئەو کالیسیۆمەی ئێسک و ددانەکانی لێ پێکدێن.
هەروەکو توێکڵی هێلکە سەرچاوەیەکی گرنگە بۆ کانزاکانی دیکەی وەکو ئاسن و مەنگەنیز و فسفۆر و زەنەک و فلۆر و مز و تاد..، بەڵام پرسیارەکە لێرەدا ئەوەیە کە توێکڵی هێلکە چۆن کار دەکات لەسەر باشترکردنی تەندروستی مرۆڤ؟.
بۆ دەستکەوتنی تەواوی سوودەکانی توێکڵی هێلکە، توێکڵی پێنج هێلکە بەکاربهێنە و وردیان بکە تا تەواو ورد و نەرم دەبن، ئینجا سێ لیتر ئاوی لەگەڵ تێکەڵ بکە و لەناو بەفرگر "سلاجە" بۆ ماوەی هەفتەیەک هەڵیبگرە تا توێکڵەکە بە تەواوەتی دەتوێتەوە، دەشتواندرێت هەندێک شەربەتی لیمۆی تێبکرێت بۆ تام خۆشکردنی، ئینجا ڕۆژانە پەرداخێک یان سێ پەرداخ لەو گیراوەیە بخۆوە.
هەروەها دەتواندرێت تێکەڵەیەک لە هێلکە لەگەڵ لیمۆ بۆ چالاکترکردنی وەزیفەکانی لیکەڕژێنی دەرەقی بەکاربهێنرێت، هەروەکو دەشتواندرێت تێکەڵەیەک لە هێلکە لەگەڵ شیری گەرم تێکەڵ بکرێت بۆ مەبەستی چارەسەرکردنی برینی گەدە و پاراستنی تەندروستی کۆئەندامی هەرسکردن.
إرسال تعليق