کوڕێکی بچووکی هەبوو پرسیاری لێکرد و وتی: بابە گیان، چ سوودێکی هەیە، کە قوڕئانی پیرۆزبخوێنیتەوە بەبێ ئەوەی هیچ شتێکی لێ لەبەر بکەیت؟!.
باوکەکەی پێیوت: دواتر وەڵامت دەدەمەوە، ئەگەر چوویتە سەر دەریا و ئەو سەتڵی پووش و پەڵاش (کا)ـیەت پڕ لە ئاو کرد!.
کوڕەکەی وتی: مەحاڵە بتوانم ئەو سەتڵە پڕ ئاو بکەم.. باوکەکەی پێیوت: دەی هەوڵبدە تاقی بکەوە.
سەتڵەکە بۆ گواستنەوەی ڕەژوو بەکاردەهێنرا، کوڕەکەی هەڵسا ڕۆیشت و بەرەو دەریا بەڕێکەوت و، هەوڵیدەدا سەتڵەکە پڕ لە ئاو بکات و بە خێراییش دەگەڕایەوە لای باوکی، بەڵام ئاوەکە هەمووی دەڕژا و سەتڵەکە بەتاڵ دەبوویەوە!.
بۆیە کوڕەکە بە باوکی وت: ئەو کارە هیچ سوودێکی نییە!.. باوکی پێیوت: ئەوجارەش تاقی بکەوە.
کوڕەکەی هەمان هەوڵی پێشووی دووبارە کردەوە، بەڵام سەرکەوتوو نەبوو لەوەی سەتڵەکە پڕ لە ئاو بۆ باوکی ئامادە بکات..!، جاری سێیەم و چوارەم و پێنجەمیش هەمان هەوڵی دووبارە کردەوە، بەڵام بەبێ ئەوەی هەوڵەکانی هیچ سوودێکی هەبێت!.
بۆیە زۆر ماندوو بوو و تاقەتی نەما..!، بۆیە بە باوکی وت: ناتوانین سەتڵەکە پڕ بکەین لە ئاو!.
باوکەکە بە کوڕەکەی وت: سەرنجت نەدا و تێبینی هیچ شتێکت نەکرد لەسەر سەتڵەکە؟!.
لێرەدا کوڕەکە بە ئاگا هاتەوە..!، بەڵێ بابە گیان، پێشتر سەتڵەکە چڵکی ڕەژووی گرتبوو، بەڵام ئێستا تەواو پاکە!.
باوکەکە بە کوڕەکەی وت: قوڕئانی پیرۆزیش هەمان شت لەگەڵ دڵەکانمان دەکات..!، چونکە دونیا و سەرقاڵییەکانی دونیا، دڵەکانمان چڵکن دەکەن، قوڕئانی پیرۆزیش وەکو ئاوی دەریایە کە سینە و دڵ و دەروونمان پاك دەکاتەوە.
إرسال تعليق