زانایانی بواری پزیشکی دەروونی گەیشتوونەتە ئەو دەرەنجامەی، کە بەهۆی ئەوەی جەستەی مرۆڤ هەندێك هۆڕمۆن دەردەدات، گرژیی و توڕەیی و هەڵچوون لەلای زیاتر دەبێت، ئەوەش سەردەکێشێت بۆ دروستبوونی شڵەژانە جەستەیی و دەروونییەکان.
بە گوێرەی پشتبەستن بە دەرەنجامی چەندین توێژینەوە، پسپۆڕان دووپات لەو ڕاستییە دەکەنەوە، کە بەڕۆژووبوون بە دەرفەت دادەنرێت بۆ ڕاهێنانی مرۆڤ لەسەر ئارامی و چێژوەرگرتن لە حەسانەوە و هەستکردن بە دڵنیایی.
بۆیە پێویستە مرۆڤ خۆی بپارێزێت لە گرژیی و توڕەیی و هەڵچوون، کە بە سەرسەختترین دوژمنەکانی جەستەی مرۆڤ دادەنرێت، با هەمووشمان بایەخ بەو ڕاهێنانە بدەین و لە جیهانی ئارامی و دڵنیایی جێگەی خۆمان بکەینەوە.
بەو هیوایەی بەڕۆژووبوونمان ببێتە مایەی دڵنیابوونەوەمان و بەدەستهێنانی سوودە دەروونی و تەندروستی و جەستییەکان، نەخاسمە سوودمەندبوونمان لە ڕووی ئایینیەوە، خوای گەورە ڕۆژوو و تاعەتی هەموو لایەکمان قەبول بکات ئینشاڵا.
إرسال تعليق