سایتی قەڵەم پرێس لە چەند سەرچاوەیەکی ئەلیکتڕۆنی دۆست زانیویەتی، کە جۆرە پێڵاوێکی زیانبەخشی ترسناك لە وڵاتی چینەوە هێنراوەتە وڵاتانی دەوروبەرمان، کە مەترسی زۆر گەورە لەسەر تەندروستی مرۆڤ دروستدەکات، تەنانەت وەکو باسدەکرێت، ئەگەری هۆکاربوونی بۆ مردن زۆرە.
هەندێك سەرچاوە لە حکومەتەکانی کەنداو باسی ئەوەیان کردووە، کە هاوردەکردنی هەندێك لە بەرهەمەکانی وڵاتانی خۆرهەڵاتی ئاسیایان ڕاگرتووە، بە تایبەت ئەوانەی لە وڵاتی چینەوە هاوردە دەکرێن، چونکە توانیویانە مەترسییەکی گەورەیان تێدا بدۆزنەوە، بەوەی کە هەندێك کارگەی بەرهەمهێنان لەو وڵاتانەدا، هەڵدەستن بە بەرهەمهێنانی پێڵاو و جلوبەرگ لە مادە کیمیاوییەکان، کە هەرچەند نرخی ئەو کەلوپەلانە لە بازاڕدا هەرزانە، بەڵام زۆر ترسناكن تا ڕادەی ئەوەی دەبنە هۆکاری مردن.
ئەوەی گرنگە لێرەدا ئاماژەی بۆ بکەین، دەبێت هاوڵاتیانی کوردستان هۆشیاری تەندروستیان بەرز بێت و خۆیان لەو جۆرە کاڵایانە بپارێزن، بە تایبەت کە شتومەکی چینی بە لێشاو هاوردەی بازاڕەکانی هەرێمی کورستان دەکرێت.
إرسال تعليق