دوای وەرگرتنی چارەسەری بەردەوام بۆ نەخۆشییەکەی، دواجار (تیتۆ ڤێلانۆڤا) رایگه‌یاند، کە به‌هۆی نه‌خۆشیه‌كه‌یه‌وه، چیتر ناتوانێت له‌ئه‌ركه‌كه‌ی به‌رده‌وامبێت و ده‌ستبه‌رداری پۆسته‌كه‌ی لە مەشقدانەوەی یانەی بلۆگرانا ده‌بێت.
دەربارەی ئه‌و بڕیاره له‌ناكاوه‌ی (تیتۆ ڤێلانۆڤا)، سەرۆکی یانه‌ی به‌رشلۆنه (ساندرۆ ڕۆسیل) لە كۆنگره‌یه‌كی رۆژنامه‌وانییدا ڕایگەیاند، کە بەهۆی گرفتاری (تیتۆ ڤێلانۆڤا) بە دەست نەخۆشییەکەیەوە، ناچار بڕیاری وازهێنانیدا لە مەشقدانەوەی یانەکەمان، ئەوە هەنگاوەش هەموو لایەکمانی دڵگران کرد و، هیوای زوو چاکبووەی یەکجاری بۆ دەخوازین، هه‌روه‌ها (ساندرۆ ڕۆسیل) ئەوەشی وت، کە ئێستا سەرقاڵی دیاریکردنی شوێنگرەوەیەکین بۆ (تیتۆ ڤێلانۆڤا)، کە لە هەفتەی داهاتوودا ڕاهێنەرە تازەکە ئاشکرا دەکەین.
هەر بەهۆی وازهێنانەکەی (تیتۆ ڤێلانۆڤا) لە مەشقدانەوەی یانەی بارسا بەهۆی نەخۆشییەوە، زۆربەی یانە و ڕاهێنەر و ئەستێرەکانی تۆپی پێی جیهانی، دڵگرانیی خۆیان دەربڕی و پشتگیری خۆیان بۆ دووپاتکرەوە و، هیوای زوو چاکبووەی یەکجاریان بۆ خواست.
إرسال تعليق