لەو بابەتەماندا ئاماژە بە هەندێك لەو دابونەریتە جیاوازانە دەدەین، بەو هیوایەی ببێتە مەلۆیەك بۆ سەر خەرمانی زانیارییەکانتان:
- لە ئیندەنوسیا.. لە هەفتەی یەکەمی مانگی ڕەمەزان، مۆڵەت دەدرێتە قوتابیان بۆ ئەوەی لەسەر بەڕۆژووبوون ڕابهێن.
- لە پاکستان.. ئەو منداڵەی بۆ یەکەمینجار بەڕۆژوو دەبێت، وەکو زاوا دەڕازێنرێتەوە.
- لە مالیزیا.. لە ماوەی نێوان بەربانگ و پاشێو ژنان تەواف بە دەوری ماڵاندا دەکەن بۆ خوێندنی قوڕئانی پیرۆز.
- لە نەیجیریا.. هەر خێزانێك ڕۆژانە مێوانداری هەژارێك دەکەن بۆ ڕۆژووشکاندن.
- لە مۆریتانیا.. خەڵکەکەی لە یەك شەودا هەموو قوڕئانی پیرۆز دەخوێننەوە.
- لە یەمەن.. ماڵەکان سەرلەنوێ بۆیاغ دەکرێنەوە.
- لە مەغریب.. حەوت جار فوو لە بۆقیە دەکرێت (وەکو ئەوەی لە کاتی شەڕەکاندا دەکرێت) و خەڵك ئاگادار دەکرێنەوە بۆ پاشێو.
- لە ئۆگەندا.. لەوەتەی ڕۆناکایی ئیسلام گەیشتۆتە ناو خەڵکەکەی، هەموو ساڵێك لە ڕەمەزاندا دوازدە کاتژمێر بەڕۆژوو دەبن، چونکە لەوێ ماوەی شەو و ڕۆژ وەکو یەکە، ئەمەش بەهۆی هەڵکەوتنی لەسەر هێڵی یەکسانبوون (خط الاستواء).
- لە سعودیە.. نرخی شتومەك و کەلوپەلەکان و خواردەمەنی و سەوزەمەنییەکان بەرز دەکرێنەوە.
- لە تایلەند.. بۆ هاندانی منداڵەکانیان بۆ فێربوونی قوڕئان، حافز قوڕئانەکان لەسەر شان هەڵدەگرن.
- لە بۆرما.. دوای بەربانگ و ڕۆژووشکاندن، موسڵمانان یەکسەر دەخەون و پاشێو ناخۆن، بەڵکو تەنها لە کاتی بانگی بەیانی بۆ نوێژکردن هەڵدەستنەوە.
إرسال تعليق