لیژنەی ڕێکخەری پێشانگای “شەنگهای” بۆ ئۆتۆمبێلەکان لە ڕوونکردنەوەیەکیدا، کە ئاراستەی ئاژانسی هەواڵەکانی چین “شینخوا”ـی کردووە، ئەوەی ئاشکرا کردووە، کە “سەرقاڵی مەسەلەی قەدەغەکردنی بەشداریکردنی کچە نمایشکەرەکانین، ئەوەش لەبەر هۆکاری ئەمنی و بۆ پاراستنی ڕەوشتە گشتییەکان”.
چەندین دەیە دەبێت، کچە نمایشکەرەکان لە پێشانگا نێودەوڵەتییەکانی ئۆتۆمبێل بەشداری دەکەن، ساڵی ڕابردووش پێشانگای “پەکین”ـی نێودەوڵەتی بە ئامادەبوونی کچە نمایشکەرەکان ڕێکخرا.
تا ئێستا هیچ هۆکارێك بۆ ئەو قەدەغەیە پێشکەش نەکراوە، بەڵام ئاژانسی هەواڵەکانی چین “شینخوا” باسی ئەوەیکردووە، کە ئەو بڕیارە دەگەڕێتەوە بۆ “مەترسییە ئەخلاقییەکان و ئیعتیبارە ئەمنییەکان”، ئەوەش پاش ڕووداوی ئەو قەڕەباڵغی و پاڵەپەستۆیەی لە شەوی سەری ساڵی ئەو شارە ڕوویدا و بووە هۆی گیانلەدەستدانی 36 کەس.
دوای ئەو ڕووداوە، حکومەتی هەرێمی “شەنگهای” ڕێوشوێنەکانی بەشداریکردن لە ڤیستیڤاڵە جەماوەرییەکانی توندتر کرد، کە لە ئەگەری پێوەرە داواکراوەکان جێبەجێ نەکرێن، هەڵدەوەشێنرێنەوە.
إرسال تعليق