یارییەکە لەسەر یاریگای “وایت هارت لین”ـی تایبەت بە یانەی تۆتنهام بەڕێوەچوو، تێیدا یانەی خاوەن یاریگا دەرسێکی قوڕسی یانەی چێلسی پێشەنگی “پرێمەرلیگ”ـی دادا، دوای ئەوەی یاریگای لێکرد بە دۆزەخ و بە ئەنجامی 5-3 گۆڵ یارییەکەی لێ بردەوە.
شکستە شەرمهێنەکەی یانەی چێلسی کاریگەرییەکەی تەنها لەسەر ئەنجامی ڕووبەڕووبوونەوەی یاری دێربی بەدیار نەکەوت، بەڵکو گۆڕانکاری گەورەشی لەسەر خشتەی ڕیزبەندی خولی نایابی ئینگلیزی دروستکرد، چونکە یانەی مانچستەر سیتی پێش ئەو یارییە بە بردنەوەی لە یانەی سەندەرلاند، کۆی خاڵەکانی گەیاندە 46 خاڵ هاوشێوەی یانەی چێلسی، بۆیە دۆڕانە گەورەکەی کەتیبەکەی “خۆزێ مۆرینیۆ” لەدەستدانی پێشەنگی “پرێمەرلیگ”ـیشی لێکەوتەوە، چونکە ئێستا بەیەکەوە لەگەڵ یانەی مانچستەر سیتی پێشەنگی خولەکەیان گرتووە.
بە ئەنجامەکانی ئەو هەفتەیەی خولی نایابی ئینگلیزی، ڕکابەرییەکان لەسەر بەدەستهێنانی نازناوی پاڵەوانێتییەکە بەهێزتر و بەرینتر دەبن، ڕووبەڕووبوونەوەکانی هەفتەکانی داهاتووش ئاگرینتر دەبن.
إرسال تعليق