ئەنەسی کوڕی مالیك (خوا لێی ڕازی بێت) دەڵێت: پێغەمبەر (دخ) فەرمووی: ئەگەر خوای گەورە چاکە لەگەڵ بەندەکەی بکات، سزادانی لەسەر تاوان و گوناهەکانی بۆ پێش دەخات و لە دونیادا دووچاری دەردەسەری و ناخۆشی دەکات، تا هیچ گوناهێکی نامێنێت و لە چڵکی تاوانەکان پاکی دەکاتەوە، تا لە تاقیکردنەوەکانی ڕۆژی دوایی بە سەرکەوتوویی دەربازی ببێت، هەر کەسێکیش خوای گەورە ئەوەی لەگەڵ کرد، میهرەبانی و لوتف و فەزڵی خوای گەورە بووەتە بەش و نسیبی.
ئەگەریش خوای گەورە نەیویست چاکە لەگەڵ بەندەکەی بکات، سزادانی لەسەر تاوان و گوناهەکانی بۆ دوا دەخات و، ئەو سزایەی لە ئەنجامی گوناهـ و تاوانەکانی شایەنیەتی، لە ڕۆژی دوایی وەریدەگرێت و تامی ناخۆشییەکانی ئاخیرەت دەچێژێت، لە تاقیکردنەوەکانی ڕۆژی دواییش تووشی مەینەتی و نەهامەتی زۆر دەبێتەوە، هەر کەسێکیش خوای گەورە ئەوەی لەگەڵ کرد، لە میهرەبانی و لوتف و فەزڵی خوای گەورە بێبەش بووە.
دەقی ئەسڵی فەرموودەکە:
((إِذَا أَرَادَ اللَّهُ بِعَبْدِهِ الْخَيْرَ عَجَّلَ لَهُ الْعُقُوبَةَ فِي الدُّنْيَا وَإِذَا أَرَادَ اللَّهُ بِعَبْدِهِ الشَّرَّ أَمْسَكَ عَنْهُ بِذَنْبِهِ حَتَّى يُوَافِيَ بِهِ يَوْمَ الْقِيَامَةِ)).
إرسال تعليق