((اضْمَنُوا لِي سِتًّا مِنْ أَنْفُسِكُمْ, أَضْمَنْ لَكُمْ الْجَنَّةَ؛ اصْدُقُوا إِذَا حَدَّثْتُمْ, وَأَوْفُوا إِذَا وَعَدْتُمْ, وَأَدُّوا إِذَا اؤْتُمِنْتُمْ, وَاحْفَظُوا فُرُوجَكُمْ, وَغُضُّوا أَبْصَارَكُمْ, وَكُفُّوا أَيْدِيَكُمْ))
واتای ئەو فەرموودەیە: ئێوە لای خۆتانەوە زەمانەت “گرەنتی”ـی شەش شتم بدەنێ، منیش زەمانەت “گرەنتی”ـی چوونە بەهەشتتان دەدەمێ:|| ئەگەر قسەتان کرد ڕاستگۆ بن، خۆتان بە دوور بگرن لە درۆ کردن.
|| ئەگەر بەڵێنتاندا پێیەوە پابەند بن، خۆتان بپارێزن لە شکاندنی بەڵێن و پەیمان.
|| ئەگەر ئەمانەتێکتان پێسپێردرا، بیدەنەوە خاوەنەکەی، هەمیشە دەستپاك بن و، خۆتان دوور بخەنەوە لە ناپاکیکردن لەگەڵ ئەمانەت.
|| داوێنتان بپارێزن و پاكى ڕابگرن، با هەمیشە داوێنپاك بن و، خۆتان لە سیفەتی قێزەونی داوێنپیسی بپارێزن.
|| چاوتان بپارێزن لە شتە قەدەغەکراوەکانی خوای گەورە، نەکەن بڕواننە ئەو شتانەی خوای گەورە حەڕامی کردووە بۆی بڕوانن.
|| دەستتان بپارێزن لە ئازاردان و دەستدرێژیکردنە سەر خەڵك، هەمیشە دەستەکانتان بکەنە ئامرازێك بۆ دەستخستنی چاکە و چنینەوەی کاری باش.
ئەو شەش خاڵەی پێغەمبەری خۆشەویستمان موحەممەد (دخ) نیشانیکردوون، دەرگا و دەروازەی چوونە بەهەشتن، ڕێگەی زۆر ئاسانن، بۆیە هەوڵبدە ئەو دەرفەتانە نەدۆڕێنی، پێش مردن با ڕێگەی چوونە بەهەشت بە دەستی خۆمت خۆش بکەی.
إرسال تعليق