چەرەزات خۆشەویستی دڵە

دەستپێشخەری “ئین فۆڕم”ـی ئەڵمانی دووپاتی لە کردەوە، کە چەرەزات چەندین سوودی تەندروستی هەیە، چونکە خواردنی بە شێوەیەکی ڕێكوپێك، بەشدار دەبێت لە دابەزاندنی ئاستی کۆلیستڕۆڵ بە شێوەیەکی گشتی لە جەستە، کۆلیستڕۆڵی زیانبەخشیش بە شێوەیەکی تایبەت، ئەوەش سنوور دادەنێت بۆ مەترسی تووشبوون بە نەخۆشییەکانی دڵ و کیسە خوێنینەکان.

دەستپێشخەرییەکە، کە ئامانج لێی خۆراکپێدانێکی تەندروستانەیە، چەرەزات پڕە لە ڤیتامینەکان و کانزاکان، بۆیە بەوە جیا دەبێتەوە کە کاریگەری باشی هەیە بۆ سەر مێشك و کۆئەندامی دەمار.

هەروەکو چەرەزات چەکێکی کاریگەرە بۆ بەرەنگاربوونەوەی کەمی خۆراك ـ بۆ بەساڵاچووان بە نموونە ـ ، چونکە خواردنی ١٠٠ گڕام لە چەرەزات ڕێژەی 680 لە گەرمۆکەکان لەخۆدەگرێت.

بۆ سوودوەرگرتنیش لە تایبەتمەندییەکانی چەرەزات، دەستپێشخەرییە ئەڵمانییەکە ئامۆژگاری پێشکەش دەکات، کە ڕۆژانە چەنگێك چەرەزات بخۆین، سەرنجیشمان بۆ ئەوە ڕادەکێشن، کە باشتر وایە لە چوارچێوەی خۆراکپێدانی تەواو بەکاریبهێنین، بەوەی لەگەڵ ماست و شیر بیخۆین.

هەروەکو دەتواندرێت لەگەڵ نان و سەموون بەکاربهێنرێت، بەوەی ئەو کات مادەی چەوری لە دروستکردنیان بەکاربهێنین.