پزیشکە ئەڵمانییەکە بە ڕۆژنامەنووسە موسڵمانەکەی وت: هۆکاری دواکەوتنی موسڵمانان لە شارستانییەت و پێشکەوتن چییە؟!.
ڕۆژنامەنووسە موسڵمانەکە (کە بەس بە ناسنامە موسڵمان بوو) وەڵامی دایەوە: هۆکاری دواکەوتنی موسڵمانان، ئیسلامە!!.
پزیشکە ئەڵمانییەکە دەستیگرت و بەرەو لای دیوارێکی نەخۆشخانەکەی برد، کە تابلۆیەكی لەسەر هەڵواسرا بوو، پزیشکەکە پێیوت: وشەکانی سەر ئەو تابلۆیە بخوێنەوە!.
ڕۆژنامەنووسە موسڵمانەکە تەماشا دەکات ئەوە فەرموودەیەکی پێغەمبەرمانە (دخ)..!، کە تێیدا حەزرەت (دخ) دەفەرمووێت:
((مَا ملأَ آدمِيٌّ وِعَاءً شَرّاً مِنْ بَطنِه))
واتای فەرموودەکە: هیچ بنیادەمێك (مرۆڤێك) دەفرێكی (قاپێك) پڕ نەکردووە، کە خراپتر بێت لە سکی.لە کۆتایی فەرموود نووسراوەکەی سەر تابلۆی نەخۆشخانە ئەڵمانییەکە نووسراوە: “خاوەنی ئەو وتەیە: موحەممەدی کوڕی عەبدوڵا”.
بۆیە پزیشکە ئەڵمانییەکە بە ڕۆژنامەنووسە موسڵمانەکەی وت: ئەو پیاوە دەناسی..؟!، ئەویش وتی: بەڵێ ئەوە پێغەمبەرمانە!.
پزیشکە ئەڵمانییەکە پێیوت: پێغەمبەرەکەتان ئەو قسە مەزنە دەکات، کە چی تۆش دەڵێی هۆکاری دواکەوتنمان ئیسلامە!.
سەرەنجام پزیشکە ئەڵمانییەکە بەو قسەیە کۆتایی بە گفتوگۆیەکەی هێنا: بەداخەوە..!، جەستەی موحەممەد لای ئێوەیە و، ڕێنووماییەکانیشی لای ئێمەیە!!.
إرسال تعليق