تۆڕی “بێرنابیۆ دیگیتاڵ”ـی بەناوبانگ بڵاویکردەوە، ڕاهێنەری ئیتاڵی یانەی ڕیال مەدرید “کارلۆ ئەنشیلۆتی” باشترین ڕاهێنەر بووە لەسەر ئاستی جیهان لە ساڵی 2014، پاش ئەوەی توانی چوار نازناوی گرنگ لەگەڵ یانەی ڕیال مەدرید لە پێشبڕکێ نێوخۆیی و ئەوروپییەکان بەدەستبهێنێت.
تۆڕەکە ئەوەشی وتووە، ئەوە دووەمین جارە ڕاهێنەری ئیتاڵی یانەی ڕیال مەدرید “کارلۆ ئەنشیلۆتی” ببێتە باشترین ڕاهێنەر لەسەر ئاستی جیهان، کە پێش هەریەك لە ڕاهێنەری ئەرجەنتینی یانەی ئەتلەتیکۆ مەدرید “دییگۆ سیمیۆنی” و ڕاهێنەری ئیسپانی یانەی بایرن میونخی ئەڵمانی “پیپ گواردیۆلا” کەوتووە.
تۆڕی “بێرنابیۆ دیگیتاڵ” دەڵێت، ڕاهێنەری لۆس بلانکۆس زۆرینەی دەنگی پسپۆڕان و شارەزایانی لە هەموو جیهان بەدەستهێناوە، کە توانیووێتی ١٦٩ خاڵ بۆ بەرژەوەندی خۆی یەکلایی بکاتەوە، لە پلەی دووەمیشدا ڕاهێنەری ئەرجەنتینی یانەی ئەتلەتیکۆ مەدرید “دییگۆ سیمیۆنی” هاتووە بە کۆکردنەوەی ١٣٩ خاڵ، لە کاتێکدا ڕاهێنەری ئیسپانی یانەی بایرن میونخی ئەڵمانی “پیپ گواردیۆلا” بە کۆکردنەوەی ٧٦ خاڵ لە پلەی سێیەمدا دێت.
شایەنی وتنە، ڕاهێنەری ئیتاڵی یانەی ڕیال مەدرید “کارلۆ ئەنشیلۆتی”، توانی لە ساڵی ڕابردوودا نازناوەکانی خولی یانە پاڵەوانەکان “چامپیۆنزلیگ” و جامی سوپەری ئەوروپی و جامی جیهانی یانەکان و جامی شای ئیسپانیا لەگەڵ یانەی شاهانە بەدەستبهێنێت.
إرسال تعليق