یانەی ڕیال سۆسیدادی ئیسپانی لە ئێستادا، بە سەیرترین تیپی تۆپی پێی لەسەر ئاستی ئەوروپا دادەنرێت، کە لە خولی ناوخۆی ئیسپانیادا تا ئێستا تەنها چوار بردنەوەی تۆمار کردووە، هەمووشیان لەسەر یاریگای خۆی، بەڵام سەیرەکە لەوەدایە، کە سێ لەو بردنەوانە لەسەر حیسابی یانەکانی خاوەن پلەکانی یەکەم و دووەم و سێیەم بووە!.
بەوەی یانەی ڕیال سۆسیداد بە ئەنجامی 4-2 گۆڵ لە یانەی ڕیال مەدریدی بردووەتەوە، بە ئەنجامی 2-1 گۆڵیش لە یانەی ئەتلەتیکۆ مەدریدی بردووەتەوە، دوێنێ شەویش بە ئەنجامی 1-0 گۆڵ لە یانەی بەرشەلۆنەی بردەوە، ئەوەش پێمان دەڵێت ڕیال سۆسیداد یەکەم یانەیە بتوانێت شکست بەو سێ تیپە بهێنێت، کە لە پلەکانی یەکەم و دووەم و سێیەمی ڕیزبەندی خولی ئیسپانییەوە دێن.
شایەنی باسە، یانەی ڕیال سۆسیداد خاوەنی 13 خاڵە لە خولی ئیسپانی، کە تەنها 5 خاڵ لە ناوچەی دابەزین بۆ خولی پلە دوو دوورە.
إرسال تعليق