تۆڕی “بێرنابیۆ دیگیتاڵ” بڵاویکردەوە، ئەستێرەی پورتوگالی یانەی ڕیال مەدرید “کریستیانۆ ڕۆنالدۆ” باشترین گۆڵکار بووە لەسەر ئاستی جیهان لە ساڵی 2014، پاش ئەوەی توانی 20 گۆڵ لەگەڵ یانەی ڕیال مەدرید لە پێشبڕکێ ئەوروپییەکان و لەگەڵ هەڵبژاردەی پورتوگال تۆمار بکات.
تۆڕەکە ئەوەشی وتووە، ئەوە سێیەمین جارە ئەستێرەی پورتوگالی یانەی ڕیال مەدرید “کریستیانۆ ڕۆنالدۆ” ببێتە باشترین گۆڵکار لەسەر ئاستی جیهان، کە پێش هەریەك لە ئەستێرەی بەڕازیلی یانەی بەرشەلۆنە “نێیمار” و ئەستێرەی ئەرجەنتینی یانەی بەرشەلۆنە “مێسی” کەوتووە.
لە پلەی دووەمدا ئەستێرەی بەڕازیلی یانەی بەرشەلۆنە “نێیمار” هاتووە بە تۆمارکردنی 19 گۆڵ، لە کاتێکدا ئەستێرەی ئەرجەنتینی یانەی بەرشەلۆنە “مێسی” بە تۆمارکردنی 18 گۆڵ لە پلەی سێیەمدا دێت.
شایەنی وتنە، “کریستیانۆ ڕۆنالدۆ” 13 گۆڵی لەگەڵ یانەی ڕیال مەدرید تۆمار کردووە لە خولی یانە پاڵەوانەکان “چامپیۆنزلیگ”، 2 گۆڵیشی لەگەڵ یانەکەی لە بەرامبەر یانەی ئیشبیلیە تۆمار کردووە لە میانی جامی سوپەری ئەوروپی، 5 گۆڵیشی لەگەڵ هەڵبژاردەی پورتوگال تۆمار کردووە.
إرسال تعليق