ئەو پڕۆگرامانە هەر چەند ئەنجام و زانیاری 100% ورد نابەخشن، بەڵام دەتوانن هەر کەموکوڕییەك ئاشکرا بکەن، بۆ ئەوەی بەکارهێنەر هەڵسێت بە ئەنجامدانی پشکنینی پزیشکی وردتر.
بەکارهێنەران هەر ئێستا دەتوانن لەسەر تۆڕی ئینتەرنێت پشکنین بۆ چاوەکانیان بکەن بۆ دڵنیابوون لە بوون یان نەبوونی کێشە لە چاوەکانیان، ئەوەش بە ڕێگەی ئەو پێگەیە (http://vision.vega9.com/)، کە لە پشکنینەکەدا کۆمپیۆتەر و مۆبایل بەکاردەهێنرێت.
دوای چوونە ژوورەوە بۆ ناو پێگەکە، کلیك لەسەر Try it Now بکە، پاشان کلیك لەسەر ئایکۆنی Settings دەکەن لە بەشی سەرەوەی بۆ ڕێککردنی شاشەی کۆمپیۆتەر، دواتر کلیك لەسەر ئایکۆنی Qr Code دەکەی تا هێماکە دەربکەوێ، کە بەهۆی بەکارهێنانی مۆبایلەوە دەخوێنرێتەوە.
دواجار، بەکارهێنەر لە دووری 4 مەتر لە شاشەی کۆمپیۆتەرەکەی دەوەستێت و، بە مۆبایلەکەی نیشانەکان و پیتەکانی سەر شاشەی کۆمپیۆتەرەکەی دیاری دەکات، دوای تەواوبوونی کردارەکەش، ئەنجامەکە پیشان دەدرێت، کە بەکارهێنەر ئاگادار دەکاتەوە لە پێویستی ئەوەی پشکنین بۆ چاوەکانی لەلای پزیشکی پسپۆڕ ئەنجام بدات یان نا.
إرسال تعليق