تیمە زانستییەکە لە توێژینەوەیەکیاندا بۆیان ڕوون بوویەوە، کە پەیوەندییەکی ڕوون هەیە لە نێوان لە دەستدانی کڕۆمۆسۆمەکانی “Y” لەناو خانەکانی خوێن (کە تەمەنیان زۆر کورتە)، وە لە نێوان مەترسی مردن بەشێرپەنجەی ئەندامەکانی ناوەوەی جەستە، بێجگە لەوەش پیاوان زیاتر لە ژنان تووشی نەخۆشییەکانی شێرپەنجە دەبن و ڕێژەی مردنیشیان بەرزترە.
لەگەڵ پێشکەوتنی تەمەنیش، گۆڕانکاری لە بەشی “DNA”ـی لەناو خانە سروشتییەکان دروست دەبێت، کە ئەو گۆڕانکاریەش پێش هەموو شتێك پەیوەستە بە نەخۆشییە جیاوازەکانی وەکو شەکرە و شێرپەنجە و نەخۆشییەکانی دیکە.
تیمە زانستییەکە لێکۆڵینەوەیان لەسەر حاڵەتی 1600ـی کەسی بەساڵاچوو کرد، سەرەنجام بۆیان ڕوون بوویەوە، کە گۆڕانکارییە بۆماوەییەکان بەهۆی لە دەستدانی کڕۆمۆسۆمەکانی “Y”ـە لەناو خرۆکە سپییەکانی خوێن، پاش بەدواداچوون بۆ ماوەی چەند ساڵێك، تیمە زانستییەکە بۆیان ڕوون بوویەوە، کە پەیوەندییەکی ڕوون هەیە لە نێوان لە دەستدانی کڕۆمۆسۆمەکانی “Y” لەناو خانەکانی خوێن، کە ئەو کڕۆمۆسۆمەی دوایی “Y” تەنها لەلای پیاودا هەیە و ڕۆڵێکی سەرەکی دەبینێت لەبنەبڕکردنی گرێی نەخۆشییە پیسەکان.
إرسال تعليق