بڕیار وایە دوای وەرگرتنی ڕەزامەندی شاری “ووهان”، دەستبکرێت بە کارکردن لەو پرۆژەیەدا، کە لە ساڵی 2018 کۆتایی پێدێت و ڕووناکی دەبینێت.
لە حاڵی تەواوبوونیشییدا، پرۆژەکە ناوەڕاستی وڵاتی چین دەڕازێنێتەوە، باڵندەی “سیمرخ”ـی چینیش بە بیر جیهان دێنێتەوە، گوزارشتیش دەکات لە تیۆرە کلاسیکییە چینییەکە، کە گوزارشت لە هاوسەنگی نموونەیی دەکات، یان ئەوەی بە “یەن و یانگ” ئاماژەی بۆ دەکرێت.
بە گوێرەی ڕاپۆرتێکی ڕۆژنامەی “دەیلی مەیل”ـی بەڕیتانی، دیزاینی دوو تاوەرەکە بە جۆرێك دانراوە، کە ببنە بەرزترین و جوانترین دوو تاوەر لە شاری هەزار دەریاچە “ووهان” پایتەختی ناوەڕاستی چین، هەروەکو بە هاتنی ساڵی 2017 دەبنە بەرزترین جووت تاوەری هەوربڕ لەسەر ئاستی جیهان، بەوەی ئەو نازناوە لە تاوەری خەلیفە لە شاری دوبەی ئیماڕاتی وەردەگرنەوە، کە لە ئێستادا بە بەرزترین باڵاخانە دەژمێردرێت لەسەر ئاستی جیهان و درێژییەکەی دەگاتە 2,722 پێ (829 مەتر).
هەروەها ئەو دوو تاوەرە ڕکابەری تاوەری شانشین دەکەن لە شاری جەددە لە سعودیە، کە بڕیار وایە بەرزییەکەی بگاتە یەك کیلۆمەتر لە ئاسماندا و بە هاتنی ساڵی 2018 ئەنجام دەدرێت.
إرسال تعليق