لەو سۆنگەیەوە، زانایان تەرکیز دەخەنە سەر کاریگەرییە ئیجابییەکانی خوێندنەوە لەسەر منداڵان، ئامۆژگاری دایكان و باوکانیش دەکەن، کە لە سەرەتاکانی تەمەنەوە، تۆوی ئارەزووکردنی خوێندنەوە لە ناخیاندا بچێنن، چونکە ئەوە فاکتەرێکی پۆزەتیڤ دەبێت بۆ ئەوەی لە قۆناغە جیا جیاکانی خوێندندا، خوێندکارێکی ژیر و زیتەڵیان لێ دەربچێت، ئایندەشیان گەش و ڕووناك و درەوشاوە بێت.
لێرەدا گرنگترین سوودەکانی زۆر خوێندنەوە و مومارەسەکردنی وەکو ئارەزووێکی چەسپیوو دەخەینەڕوو:
- خوێندنەوە، گەشە بە تواناکانی ئاخاوتن دەدات، ئاستی تێگەیشتنیش لە دەقە نووسراوەکان بەرزتر دەکاتەوە.
- خوێندنەوە، یەکێکە لە شێوە گرنگەکانی چالاکی ئاخاوتن، کە ئەوەی دوایی وابەستە بە بەهێزی قسەکردن و تێگەیشتن لێی.
- خوێندنەوە، قەبارەی وشە زمانەوانییەکان فراوانتر و جوانتر و باشتر دەکات.
هەروەکو زانایان توانیوویانە ئەو چەند سوودە گرنگەی خوێندنەوەش پشتڕاست بکەنەوە:
- خوێندنەوە، مەعریفە و ئاگاهی و هۆشیاری هەمەلایە زیاتر دەکات.
- خوێندنەوە، مێشێك لە نەخۆشییەکانی وەکو زەهایمەر دەپارێزێت.
- خوێندنەوە، ماوەی گەنجێتی درێژتر دەکات، بەوەی کەسی خوێنەر هەست بە بوونی نیشانە و ئاماژەکانی پیرێتی ناکات، سەرەڕای تێپەڕبوونی ساڵانی تەمەن.
- کاتێك مرۆڤ دەخوێنێتەوە، چالاکییەکانی مێشك زیاتر دەبن و لەسەر ئەو حاڵەتە دەمێنێتەوە، ئەوەش باری گشتی مرۆڤەکە باشتر دەکات.
بەو هیوایەی بتوانن پەرە بە ئارەزووی خوێندنەوەتان بدەن و لەو جیهانەدا جوانەدا کاتە جوانەکانتان جوانتر بکەن.
إرسال تعليق