لەو بابەتەماندا هەڵوەستە لەسەر ڕاستییەکی سەرسوڕهێنەر لە سوڕەتی “البقرة” دەکەین، کە شایەن بەوەیە ئەو هەقیقەتە پاڵنەرێکی دەروونی بەهێز بێت بۆ جێگیرکردنی باوەڕیمان لەسەر پرەنسیپەکانی ئیسلام و وابەستبوون بە ڕێنوماییە جوانەکانی، کە بەرەو شاڕێی خۆشبەختی دین و دونیا ئاراستەمان دەکەن.
ڕاستییەکی سەرسوڕهێنەر لە سوڕەتی “البقرة”
ژمارەی ئایەتەکانی سوڕەتی “البقرة” بریتییە لە 286 ئایەت.
ئەگەر ژمارە 6 لاببەین، ژمارەکەی سەرەوە دەبێتە 28 ، ئەو ژمارەیەش (28) ژمارەی ئەو سوڕەتانەیە کە لە مەدینەی پیرۆز دابەزیوون.
بەڵام ئەگەر ژمارە 2 لاببەین، ژمارەکەی سەرەوە دەبێتە 86 ، ئەو ژمارەیەش (86) ژمارەی ئەو سوڕەتانەیە کە لە مەککەی پیرۆز دابەزیوون.
ئەگەر هەردوو ژمارە دەرهێنراوەکەی ناو ژمارەکەی سەرەوە کۆبکەینەوە ئەوا ژمارە 114ـەمان دەستدەکەوێت (86+28=114)، ئەو ژمارەیەش (114) ژمارەی سوڕەتەکانی قوڕئانی پیرۆزە.
هەروەها ئەگەر ژمارەکەی سەرەوە (286) بکەینە نیوە، ژمارە (143)ـمان دەستدەکەوێت، ئایەتی ژمارە (143)ـش لە سوڕەتی ئەو ئایەتەیە:
“وَكَذَلِكَ جَعَلْنَاكُمْ أُمَّةً وَسَطًا لِتَكُونُوا شُهَدَاءَ عَلَى النَّاسِ وَيَكُونَ الرَّسُولُ عَلَيْكُمْ شَهِيدًا”
واتای ئەو ئایەتە باس لە میانڕەوی ئۆممەتی ئیسلام دەکات: به‌و شێوه‌یه‌ش ئێوه‌مان به گه‌لێكی میانه‌ڕه‌و گێڕاوه (له هه‌موو ڕوویه‌كه‌وه، له ڕووی عیباده‌ت و خواپه‌رستیه‌وه، له ڕووی دنیا و قیامه‌ته‌وه، له ڕووی داخوازییه‌كانی ڕۆح و نه‌فسه‌وه.. تاد) تا ببنه شایه‌د به‌سه‌ر خه‌ڵكییه‌وه (تا بزانن ئه‌م ئایین و به‌رنامه‌یه، هه‌مووی مایه‌ی خێر و سه‌ربه‌رزییه بۆ تاك و كۆمه‌ڵ له هه‌موو سه‌رده‌مێكدا و له هه‌موو بواره‌كانی ژیاندا) و بۆ ئه‌وه‌ی پێغه‌مبه‌ریش (له هه‌موو ئه‌و بوارانه‌دا مامۆستا و ڕێبه‌ری ئێوه بێت و له ڕۆژی قیامه‌تدا) شایه‌دی بدات (بۆ دڵسۆزانی ئوممه‌تی له‌سه‌ر ئه‌وه‌ی به‌ئه‌ركی سه‌رشانی خۆیان هه‌ستاون).
لە ڕاستییدا زانیارییەکی تایبەت و گرنگ و سوودبەخشە، لایەنێکیشە لە جوانییەکانی قوڕئانی پیرۆز و مایەی سەرسوڕمانییە.
إرسال تعليق